ISREAL IN LEBANON RAMRI A KULH THOK

0
119

Lebanon Ram cun Isreal thawn an karlak ramri tluan ih Isreal pawl sak mi Ramri hauhruang cu theitawp suah ih kham an tum thu an phuang.Isreal le Lebanon karlak Zinan le Gas laihnak thawn peh awin buainak a sosan laifang ah Isreal cun tuvek in ramri Hauhruang an saknak a si.

Hi Hauhruang saknak cu Palai thazang hmangih kham an tum mi a si.”Isreal Pawl ih Hauhruang an sak mi cu kanmah le kanmah le international Level lam khalih nornak tuah kan tum”tiah Lebanon President Micheal Aoun,PM Saad Hariri,Parliament Hotu Nabih Berri pawl cun an phuang a si.

Isreal cun Lebanon thawn an karlak ramri tluan cu Hauhruang thazet thawn 2012 kum ihsin sak an thokzo mi a si.Isreal le Lebanon ih Shia Muslim Hezbolla karlak ah 2006 ihsin doawknak a um ringring.Hi Isreal pawl sak mi Hauhruang hmun hrekkhat cu Lebanon ramsung ah a lut an timi cu Isreal cu a hnawlsak ih Hauhruang cu sak vivo an tum thu an phuang.