ISREAL IN IRAN KAH VIVO A TUM

0
163

Isreal PM benjamin Netanyahu cun Iran in Syria ram sungah Ralkap hmunhma an neih ding cu rem ka ti thei lo lawlaw a si tiah zarhte ni ah a sim.Isreal cun Syria ram sungih Iran ralkap hmunhma pawl an kahsak hnuah Netanyahu cun tuvek ih a simnak a si.

“Isreal cun remdaihnak cu kan duh rori.Hmanseh kanmah siatsuah tumtu pohpoh cu kanni khal in mah le mah khamawk thei kan tumve.Syria ah si maw a dang hmundang ah si maw ralkap hmuhma tuahtumtu Iran kut ihsin luat ding khal kan tum mi a si”tiah Netanyahu cun a sim.

Kan dung zarhte ni ah Syria ram sung ihsin an kahsuak mi Iran pawl ih mawngtu nei lo vanzam cu Isreal cun an kahtlak sak.Cuihnuah Isreal cun a sungih um Control nak sungih an bat tumnak hmun pawl cu an kapcih.Hmanseh syria ih Air defence cun Isreal ram saklam ih F-16 raldonak Vanzam cu a ngah ih a tlak phah.Cutheh veten Isreal cun Syria ram sung ih Iran le Syria ralkap hmunhma pawl cu bat in vanzam thawn an kah ciamco.

“Isreal cun tuisun ih a kah mi cu Iran le Syria ih mawh a si tiah kan hmu” tiah Netanyahu cun a sim.Cuileng ah”Kan ram ri le kan ram thu neihnak hrang a tul mi pohpoh cu kan tuah vivo ding a si”tiah a simbet.Iran cun Isreal in thuphan a per a si tiah a soisel ih Syria cun Isreal vanzam kahnak cu lehrul in anmah le mah harsatnak an pe aw tiah an simve thung.