INDONESIA VALENTIN’S DAY HMANGTU TAMPI KAI




Indonesia ram khawpi hrekkhat ih Valentine’s Day cu thu neitu pawl cun hman an siansak lo ruangah mi tampi cun Muslim ram ahcun fala le tlangval cu duhawk sian a silo tiah Internet lamah an soisel nasa.Hi Valentine’s Day hman an siansak lonak khua ah Jarkata khawpi a tello nan Indonesia ram ih khawpi bik sangtu Surabaya Valentine’s Day hmangtu fala/tlangval kop ziangmawzat kaih an si.

Hi an kaih mi pawl hi cawh an kuanter hnuah an thlahsal cu zum a si.Cuvek thotho in khualtlawng pawl um tamnak hmun Mataram khawpi khalah fala/tlangval kop aw pawl cu an kai vivo ih Sulawesi tikulh khal ah Valentine’s Day hmannak puai hi tuah siansak an si lo.Tuhlan khal ah hi khawpi ah hmansian a rak si lo ih kop tampi an rak kaidah ti a si.

Indonesia rampum ih khawpi 10 hrawng le Achi State ahcun Valentine’s Day hman hi kham a si.Valentine’s Day thawn pehpar awin ramsung ih Muslim hotu pawl cun hivek cu ni tlaknak lam ihsin ra mi thil tha lo rori a si tiah an hmu ih hmanseh Muslim menmen pawl cu thil poizet in an hmuve lemlo.