INDONESIA BUS ACCIDENT MI 25 THI

0
134

Indonesia ram ih Java tikulh mipi khualtlawng phurtu Bus pakhat cu lamzin sir ah tla in a let ruangah a sung totu a malbik mi 25 an thi tiah theih a si.Hi Bus in milai 40 lenglo a phur ih Java tikulh ni tlaknak ih Subang khua ih cirhti hlum hmun an fehnak ih cangsual an si.

Hi Bus le Bike pakhat cu hmunsang ihsin hnuailam ih an suklai ah Bus cun Bike hi a pah si in Police lam cun an zum thu le mi 16 in natak ih hriamhma an ngah thu Local News cun an phuang.Hi Bus sung totu tamsawn cu Tanjaran khawpi mi an si ih Subang khua ih cirhhlum bual le zoh dingih an fehnak ah tuvek ih mualphonak an ton mi a si.

A thitu le hriamhma ngahtu pawl ih hmin simfiang thei a si hrih lo tiah Subang pengpi police hotu cun a sim.Cun ziangruang bikah hivek in an cang timi khal felfaite ih thei dingin an zingzoi lai tiah a simbet.Indonesia ah Mawtaw cangsualnak hi theih ding a um ringring ih nikum July thla khalah Mawtaw pi le Bus pahawknak ruangah mi 10 lenglo an rak thidah tiah thuthang cun an tarlang.