INDIA LONGPI HLO

0
137

India Long hnatuan tu mi 22 ih thlun mi Zinan phur Longpi pakhat cu Ni tlaknak Africa ih Benin ram tipi lan deuh Guinea tipi kel ah a hlo tiah theih a si.Panama ih hmin khum mi Marine Express Zinan phur longpi thawn February ni 1 ihsin an biakawk thei nawn lo zo tiah theih a si.

Hi Longpi umnak hmun ah kan dung thla khalah Longpi pakhat cu tifinriat misual pawl cun an rak kaidah zo.Hi Zinan Ton 13,500 phur ih fehtu Marine Express Longpi cu benin ti ralkap pawl cun an hawl rero lai thu International Maritime Bureau cun an phuang.January thla khal ah tui Longpi hlohnak hmun ah longpi pakhat khal misual in an rak kai ih an thlah lehsal zo tiah theih a si.

Hi Longpi hloh thuhlah India thu neitu pawl cun a kiangkap ih thu neitu pawl thawn an be aw rero lai ti a si.Hi Marine Express hi Hong Kong ih Anglo-Eastern neih mi a si.Africa tipi thuanthum hi Somalia misual pawl ruangah tihnung zet mi lamzin a si.Asinan tui netalam ahcun Leitlun ti ralkap pawl ih kilnak ruangah malte a himdeuh vivo lam a si tiah theih a si.