INDIA LONGPI AH THIL PUAK 5 THI 7 KANG

0
103

India ram thlanglam Karella state ih Longpi tuahnak hmun ah thil puak ruangah mi 5 a hmun ah an thi ih mi 7 in hriamhma an ngah.Himi hi Cochin Shipyard Ltd ih Longpi tuahnak ah tuah dingih an ret mi Longpi pakhat cu February ni 13 ni zinglam ah thil puak mi a si.

Himi hi Longpi ih hmailam ah zinglam nazi 9:15 hrawngah puak suak mi a si tiah Police lam cun an sim.India thuthang pawl cun himi puak hi Gas zun(leak) ruangih puak mi si in an tarlang.Hriamhma ngahtu lak ih pakhat cu a taksa 45% a kang theh ih a besia zet ti a si.

Puak a suah veten Longpi par ih um pawl cu hmunhim ah runsuak theh an si tiah thu neitu pawl cun an sim.Hi Cozah neih mi Cochin Longpi tuahnak cu India ram ih Long tuahnak tumbik si in Longpi siat remnak hna a tuan theu.Tui puak suahnak Long cu India ram ih tumbik Zinan le Gas laitu(Oil and Natural Gas Corporation-ONGC)ih neih mi Longpi a si.

DW