Huddersfield Dungthlun In Fulham In Premier League An Mangtha Fel Ve




Tui season hrang premier league zuamawknak khal round 32 tiang lek fel zo a si ih team hrekkhat cu round 33 lek zo tla an um.Puai 38 tiang lek ding a si ruangah puai 6 le 5 lawng lek ding a um thlang.

Top 4 cuhawknak a sosang zetih zopawl in season thar ah champions league an lek ding timi khal a fiang thluh thei hrih lo.Tui dinhmun top 6 umdan cu Liverpool puai 32 ah hmat 79,Man City puai 31 ah hmat 77,Arsenal puai 31 ah hmat 63, Tottenham puai 31 ah hmat 61,Man United puai 32 ah hmat 61 le Chelsea puai 31 ah hmat 60 pawl an si ih top 4 tiang lawngin season thar ah champions league an lek thei ding.

Himi ah premier league round 32nak ih Watford neh lotu Fullam cu Huddersfield dungthlun in premier league an mangtha fel zo ih season thar ah premier league an lek thei nawn lo ding.Huddersfield cun kan dung kar zarhte zan ah Crystal Palace neh loin Premier league an rak mangtha fel zo.

Tui dinhmun premier league ah Huddersfield cu puai 32 lek zo in hmat 14 lawng an ngah thei ih an puai tanglai puai 6 ah nehnak an co thluh a si khalle table 17nak tlunlam pawl cu ziangti khawngzawng khal in an lan thei nawn lo.Cuvek in Fulham ah puai 33 lek zo in hmat 17 lawng an hmu thei ih premier league an mangtha fel ve.

Premier league table top 4 pawl in season thar hrang champions league an lek thei ding bangin top 20,19, le 18 pawl khal season cemrual in niamsawn league championship ah an tlaniam ve ding.Tuah tem 2 an tlafel zo ih team 1 in a thlun lai ding.Tui dinhmun ih team 1 tlabet thei pawl cu Cardiff, Burnley,Southampton ,Brigton ,Newscastle le Crystal Palace pawl an si.