HONGKONG DOT 2 BUS LET 19 THI

0
135

Hong Kong khawpi ih dot 2 Bus pakhat a tluk ruangah mi 19 an thi tiah theih a si.Himi hi Hong Kong khawpi taipo lamzin pi ah tuini February ni 10 ih Bus Dot 2 tluk ruangah mithi lawng si loin hriamhma ngahtu khal tampi an um.Runsuahnak hnatuantu pawl cun Bus tlu sungih tang khualtlawngtu pawl cu phorhsuak dingin thazang an suah ciamco ih Bus sungah mi ziangzat an tanglai tihi theihfel a si hrih lo.

 

Hi Dot 2 Bus tluk ruangih thitu cu mipa 15 le nunau 3 a si tiah Police cun an sim.Thuthang pakhat ih tarlang dan ahcun hriamhma ngahtu hi a malbik mi 50 an um ti a si.Hi Dot 2 Bus cu Sha Tin Lamzin kel ihsin Taipo lam ih a kel zawngah a tlu mi a si.Bus tluknak thuah thu felfai zianghman theih a si hrih lo.Hong Kong ah tuvek ih Bus accident hi theih ding a malzet ih Hong Kong cu Leitlun khawpi lakih Transport neitha lam ih siar mi an si.

Tuhlan 2003 kum ah Dot 2 Bus pakhat le Truck pi cu Lilawn parah an pah aw ih an 2 in Lilawn hnuaiah an tla.Cuitum ah mi 21 an rak thi.2008 Bus accident khalah mi 18 an rak thi thotho.Hong Kong ih Longpi pakhat le Mi phurtu Longte pahawknak ruangah 2012 kum ah mi 39 an rak thi dah.