HLAWHMAN PEK LO RUANGAH THAT(Rapthlak nasa)

0
211

Kuli hlawhtu hrangih thupibik cu hlawhman thate ngah hi a si.Hnatuantu pakhat cun thlacem ih hlawhman lak ding hnakih hngakhlap mi pakhat hman an nei lo.Hivek hlawhman thuhla ah Indonesia ih zonzai pafa cun an hnatuannak neitu milian pakhat cu an that riai mai.Hitei pafa cun hi milian pa inn ah hnatuan in kum 3 sung an hlawh aw zo nan hlawhman fangkhat hman a pe lo.An pafa ih kum 3 sung hlawhman cu ting 200 lai a kim ti si.

(Indonesia paisa cu kawlram paisa hnakin a man mal deuh.US $1=13000 tlun a si theu).Hiti kum 3 sung hlawhman a pek duh lo ruangah Milian pa kum54 ih upa Dasrullah itthat cu an thah.An pafa cun thahmen cu diriam loin a zang an tansak.A pa Terusman cun a fapa hnenah hivek Uico hi keimah ka that dingih a sa ka can theh ding tiah a thah mi a si.

A pa ih a thahlai cu a fapa in a bomve ruangah an pafa thah ah a cang.A pa cun milian pa ih sungril le zang cu a lak ih a suan hnuah an pafa in an ei.A fapa hi tuah kum 15 mite lawng a si.Police pawl ih simnak ah hi an thah mi hi tumnak umcia ih thah si loin an thah ni kherkher ah an pafa an umtlang mi a si.Hite pafa cun an mithah thu ah sirawknak an neih hmel hmuh a si loih a tul ruangih that vekin an um ti si.

Ngaingai ahcun kum 3 sung hlawh timi cu malte men a si lo dingih hivek ruangih thahawknak hi leitlun hmuntin ah hmuh ding a um theu.Terusman cu hi milian pa a thah lawng si loin a sa tiang a eingah cu a diriamzet ih a thil a ei mi betbet cu a thawtuk tiah a simbet.Hi milian pa thah thuah elnak pakhat hman nei loin kan that rori a si tiah an phuang aw.

SHARE
Previous articleNULA FING
Next articleHONGKONG DOT 2 BUS LET 19 THI