Hazard Hi Player Danglam Zet A Si – Zidane




Real Madrid Coach Zidane cun Chelsea hmaitlan Hazard a duh zet thu a rel zo hnu ah player danglam zet a si thu a relsuak sal.

Hazard le Real Madrid hi thuhla nei thei ringring an si ih duh aw zet khal an si.Hazard cun Zidane a uar zet thu a rak rel rero zo ih Real Madrid khal a sunmang club a si thu a rak rel zo.Cuvek in Zidane khal in Hazard cu player thazet a si thu a rak rel ve zo ih a hnenih lek dingin a duh.

Tuah Zidane a tongsuak sal ih Hazard cu player danglam zet a si thu a rel.

Zidane cun ,”Hazard hi ka player duh zetmi a si ih ka ret sang ringring.France league ih lek zo a si bangin a lek lai vei tamzet ka rak hmu zo. Player danglam zet a si,” a ti.

Real Madrid le Hazard thuhla hi a hnok zetih tui tum thaal lei awk caan khalah nasa zetih a hnok sal zum a si.