HAHCING IN AN RAM AN SUAHSAN MUARMO

0
177

Tulai S.America ih Venezuela ram cu a buaizet ih thahawknak le tihnung thil a tamtuk ruangah ram mipi tam maksak cun an ram cu himnak hawl dingin an suahsan.Tufang Venezuela cu a buaituk ruangah hmuntin ah a cakcak le a neinei cu Lal si in midang hmuhsuamnak a luartuk lawng si loin hnatuan ding an nei nawn loih sumpai in man a neih nawn lo deuhdeuh ruangah tuvek buainak a suahnak san a si.Cozah le Ralkap cun tui an buainak khal an thei nan zianghman tuah thei mi an nei nawn lo.

Ram mipi cu rampi reituk buainak a neihzo ruangah ei/in ding nei nawn loin hmuhhmuh lonawk ih cuhawk ih thahawk dinhmun an thleng.Mipi rori khal zohman zumawk ngamnak an nein nawn loih Cozah tiangtiang cu sim ding khal a um lo lawlaw.Cuvek dinhmun a si ruangah mipi cun an himnak hmun,ei/in an hmuhnak ding hmun hawl in an rampi cu an suahsan.Zuk ih kan hmuh vekin mipi a thawngsawm tel cun himnak hawl in Columbia ramri khawpi Kukuta pan in Lilawn ah an khat luihlo.

Hmanseh mipi thawngsawm tel cu KUKUta khawpi cun an ramih humhimnak hawl dingih luhmai ding an rak siang lo.Columbia Cozah cun 2017 kumcem lam ihsin Brazil,Venezuela ramri tluanah ralkap a thawngtel cu ramri kil dingin an ret.Tuah cun Columbia rampi khal a mangbang in a luzing ih an rampi tiangin buainak a thlen thei ding cu an phang hleiah mipi hizat mikhual dingin sumpai harsatnak an tong ve thlang.Tuah cun an ramri cu hngetkhoh deuh ih phih an tum thlang ti si.

Tuah cun venezuela ram cu leitlun ih thahawknak tambik ram ah a dingih hivek dinhmun cun ram mipi thawngsawm tel cun an ram suahsan dingin a norsuak a si.Kan dung thlakhat sung lawngah Columbia ram ih luttu Venezuela cu mi ting 6 lenglo an kim ih hizat hi tuhlan thla 6 ih rak suaktu hnakin a let 2 in an tam.An tam vivo ding ih ruah a si ih ramhnen ram hrang ahcun luzinnak rori cu a si.