FIFA Club World Cup Ah Team 24




FILE - In this Feb. 1, 2016 file photo FIFA Presidential Candidate Gianni Infantino speaks to the media as he unveils his 90 day plan that he will implement if he is elected FIFA President, at Wembley Stadium in London. Infantino is one of the five candidates to succeed Sepp Blatter as FIFA President on Friday, Feb. 26, 2016 when soccer's scandal-scarred world body picks a new president after nine months of crisis. (AP Photo/Matt Dunham, file) ORG XMIT: FOS105

FIFA cun team 7 ih lek theu mi FIFA club World cup cu team 24 ih titam dingin an relfel zo.Himi team 24 zuamawknak ding FIFA club World cup cu 2021 ihsin thok tum a si ih UEFA cun nasa zetin an dokalh. FIFA hi leitlun huap bawhlung thuneitu sangbik a si ih UEFA cu Europe sung vialih bawhlung thuneitu sangbik a si.

FIFA Club World cup hi December thlasung ah lek theu a si ih khawmualpi 6.Europe club champion ,South America club champion ,North America Champion,Asia club champion, Africa club champion ,Ocean club champion le a thlengtu inntek ram club champion pawl ih lek theu mi a si.Asinan,FIFA cun mipi a hiip sinsin theinak dingah tiin club 24 ah a than ih European club picang pawl an tel tam hleice cuang ding.

Champions league champion vial ih lek theumi FIFA club World cup ah Champions leaegue zuamawknak ih champion vial si nawn loin final ih sungtu khalin FIFA club World cup a lek thei dingih Europe top 5 league pawl ih table champion pawl khal an tel thei ding ti cu FIFA duhdan a si. Himi thu ah UEFA an thinheng zetin ‘December thlasung cu league tinih zuamawknak kan neih rero lai a si ruangah Champions league champion lo team dang cu FIFA club World cup hrang kan thawh thei lo.Team 4,5 lai kan thawh ahcun League lekdan pawl a buai theh ding a si,” tiin an tang.

FIFA president Infantino cun ,”Tu cun mipi in FIFA club World cup taktak an hmu thlang dingih leitlun ih club thabik le champion taktak kan hawl thlang ding.Team 24 telnak FIFA club World cup cu 2021 ih thok kan tum.tluang zetih kan tuah thei asile lungawi umza a si dingih kan hlawhtling lo a si khalle buainak kan nei cuang lo ding a si,” a ti.

FIFA cun 2018 FIFA mipa World cup ih VAR a rak hman zo bangin 2019 ,June thla ih thok dingmi Nunau World cup khalah VAR a hman ding thu a rel fel zo a si.