Ferdinand Ih Champions League Semi Final Team




Tui season hrang Champions league quarter final puai hmaisa pawl lek theh zo a si bangin Man United dungkham hlun ,BT sports ih hnatuan Ferdinand cun Semi final lut dingih a zummi pawl a rel.

Ferdinand cun ,” Juvnetus in khuakhua ah nehnak an co lo nan,anmai Innpi ah nehnak an co dingih quarter final an lut ding.Anmai Innpi ah Tottenham in Man City an neh zo bangin khualkhua khalah tha zetih an lek thei ka zum ih Semi final an lut ve ding.

“Liverpool in olsam zetin semi final an lut dingih Ka thinlung in Man United khal semi final an lut ve ding a ti.Ka thluak cu Messi ruangah mallai a buai deuh” tiin a rel.

Ajax le Juventus hi 1-1 thawn duhtawk aw an si ih Juventus innpi ah goal a lut lo a si khalle khualkhua goal thawn Juventus in semi final an lut thotho ding.

Tottenham le Man City puai ah Tottenham in 1-0 thawn nehnak an co ih khualkhua ah goal a lut lo asile semi final an lut ding.City in 1-0 thawn an rak neh ve asile,caan pekbet an lek dingih goal nei tamsawn in semi final a lut ding.Goal nei tamsawn an um asile khuakhua goal nei tamsawn in semi final a lut ding.

Man United le Barcelona puai ah Barcelona in nehnak an co ih khualkhua goal an nei.Man United in semi final luh an duh asile khualkhu ah 1-2,0-2, 1-3 le 2-3 pawl ih nenak an co a tul.

Liverpool le Porto puai ah 2-0 thawn Livepool in nehnak an co zo ih Porto hrang semi luh duh cun anmai innpi ah 3-0 ,4-1 le 4-0 tivek ih nehnak an co a tul ve ding.

Curuangah zianghman rel cia a theih lo nan,Juventus ,Tottenham ,Barcelona le Liverpool pawl cu dinhmun thasawn ah an umhrih a si.