FANGHI HMANG ENGINE THAR HMUSUAK

0
179

Kawlram ih thil kan hlon mi lakih a tambik kan hlon mi cu fanghi a si.Fang kan rial ih a hawng cu kan duh lo ruangah kan rialnak cetah kan tanta men theu.Cui Fanghi hmangin Engine nunter ih electric tha suahter dan cu tunai ah Japan mithiam TAKINO KOGYO CO., LTD ih hotu AKIRA TAKINO in hlawhtling takih an test zo thu a phuang.

Himi thiamnak hi Japan hrangah cun hman theih a si lo.Ziangah tile cet nunter nak ih an hman mi Fanghi cu Japan ram ah a malzet ih Kawlram ahcun a tamtuk tikah a kaizet ding tiah AKIRA TAKINO cun a simbet.Fanghi lawng si loin Mipe hawng le Phiang hawng khal in cet hi nunter a theih ding ti si.Tui Test an tuah mi ah Dynamo Kilo wat 3 lawng test mi a si ih Kilo Wat 3 duhtawk ih hnatuan ding in a dirtu Cet hrangah Nazi pakhat ah Fanghi hi Kg 18 lawng a tul ding ti si.Hi cet ihsin suak mi khu khal kiangkap hrangah siatnak zianghman a pe lo ti si.

U Aung Myint cun,”Japan pawl thawn kom aw in survey kan tuah mi a si.Tui kan hmuhsuak mi hi Kawlram hrangah cun a kaih lawlaw si ko.Biomass dang khal survey tuah vivo kan tumlai.Kan tumtah mi cu Diesel le Petrol hmang mi cet si loin kan ram sungsuak thilri hmang ih cet tampi hmuhsuah kan tum mi a si.Himi hi Education Mistry ih Research department le Japan ih Asia Air Survey pawl hmin an rak khen mi lungkim tlangnak ih tel mi pakhat a si.

YMG