FALA HRANG TIHNUNG SI

0
329

Mi tampi cun mipa cahnak si a um le um lo thei lo kan tam a zum um.Online san a hong si in cuvek a um maw si titu khal tampi an um.Hi mipa cahnak Viagra si hi nunau khal hiarnak a suahter theive ti a si.Nunau hrang khalah a tha ti theitu cu American pa si in Viagra cu a rialphut ih a in ding Coffee sungah a rawisak.

A fala hi nunau feltak le mi kilaw theitak a si nan hi siphut rawi mi Coffee a in theh in a hiarnak a suak ciamco ih umdan ding khal thei loin a buai ti si.Cuti a fala hiartuk buai cu Video a rak la ciamco.A fala cuti a umlai ah midang zohman an um lo.Cozah thu neitu pawl cun mipa pawl in hi si hmangin fala pawl an tuah pang ding tihi an phan mi a si.

Hivek si fala in an eingah pang cun an hiarnak tuar loin ningzah le mualpho khal phannak zianghman an nei nawn lo ti a si.Amah fala ih in sawm ruangah ka sualpi mi a si tiah misual pawl in an tong ding cu thu neitu pawl cun an phangzet.Hivek fala in si an eicun ihtlang lai video lak ding khal tihnak an nei nawn lo.Hi tlangval pa in a fala ih hiarnak ruangih umdan Video a lak mi cu American mipi cun an hmuh in an thlaphang nasa.

Hivek si fala in an ei pang ahcun Nu le Pa khal zahnak thinlung an nei nawn lo ti si.Cuiruangah Viagra si cu a thupte ih zuar khal kham dingin tuah an ruat rero a si.Sibawi ih siannak ca neitu lawng leisian ding a si thlang tiah thuhla a um.(Hivek si kan ei ngah lonak dingah fala pawl nasatak ih kan ralrin a tul.Hi Viagra si hi leitlun ramtin ih si dawr pohpoh ah lei mai theih a si ruangah ralrin thiam tluktu a um lo).