Europe League Quarter Final Puai Hmaisa Ah Arsenal & Chelsea In Nehnak Co Veve




Tui season hrang champions league quarter final puai hmaisa pawl lek theh zo a si bangin Europe league quarter final puai hmaisa pawl in a thlun cih ih an lek theh ve lo.

FT: Arsenal 2-0 Napoli
Ramsey 15′,Koulibaly 25′
Arsenal XI ( 3-4-1-2 ) : Cech ,Sokratis , Koscielny, Monreal, Niles ,Torreira ,Ramsey ,Kolasinac ,Ozil ,Aubamayang ,Lacazettte.

Napoli XI ( 4-4-2) : Meret ,Rui,Koulibaly ,hysaj, Zielinski , Allan, Fabian, Callejon, Insine , Merterns.

Puai rorum zet le harsa zet dingih ruah a sinan,Arsenal an buai lemlo ih caan hrek hmaisa sawn vialah goal 2 an thun zo.Caan hrek neta sawn ah goal dang a lut nawn lo ih 2-0 thawn Inntek Arsenal in nehnak an co.Napoli hrang comeback a tul thlang dingih khualkhua khalah Arsenal an tan tluanthei zum a si.

FT: Slavia Prague 0-1 Chelsea
Alonso 86′
Chelsea XI ( 4-2-3-1) : Kepa , Alonso ,Christensen, Rudiger , Cesar ,Kovacic , Jorginho , Barkley, Willian , Giroud , Pedro.

Czech club hrangah quarter final an luh thei kha a rak sangtuk zo ih Chelsea in goal an thun mal lam in a lang.Asinan,anmai Innpi ah goal tamawn ih an neh bet zum a si.

FT: Villarreal 1-3 Valencia
Carzorla 36′(pem) ,Guedes 6′ ,90′, Wass, 90′,
Spain club pahnih zuamawknak hi a sosang zetih puai ropi zet pakhat a si.1-1 veve ih an duhtawk awk zum a sinan,mikhual Valencia ih minute 90 hnu ah goal 2 an thun thei ih 1-3 in nehnak an co phah.Anmai Innpi khalah nehnak an co peh zum a si ih komkhawm ih nehnak cotu cu Semi final ah Arsenal vs Napoli nehtu thawn an do aw ding.

FT:Benfica 4-2 Frankfurt
Felix 21,43’54’, Dias 50, ) ( JOvic 40,Paniencia 72′)
Minute 20nak ah mikhual dungkham Dicka cu red card thawn dawisuah a si ih Inntek hrang Felix in penalty thawn goal hmaihruai a thun.Inntek in goal 4 rori an thun thei nan,minung malsawn Frankfurt in goal 2 an thun thei ve cu beiseinak an neih phah.Inntek hrang hat trick tuahtu Felix hi C.Ronaldo suak thar timi kha a si ih mikhual hrang goal 1 thuntu Jovic hi Barcelona ih lei tum teuteu mi hmaitlan kha a si.Komkhawm ih nehtu cu semi final ah Chelsea thawn an do aw ding.

Puai 2nak ch April ni 19,hmai zarh ningah zingah an lek theh ding a si.