Euro 2020 Ih Champion A Zummi Relsuaktu De Bruyne




2020 kum ah European ram hrang Bawhlung sit zuamawknak picang bik neih a sisal dingih ram phunphun ah an lek ding.Tumdang ahcun ram pakhat lole pahnih hrawng cu thleninn hrang an ruat theu nan,tuitum cu ram 8 rori ah lekter an si ding.

Cumi Euro 2020 Cup hrang qualify lek thok rero zo a si ih a tel thei ding team a fiang hrih lo.2020 kum June thla ih thok ding a sinan,Man City le Belgium laitlan De Bruyne cun champion a zummi cu tu ihsin a rak rel cia.

De Bruyne cun ,”Ka rualpi England player pawl hnenih ka simmi cu ‘Euro 2020 cup cu la ding rori in feh uh,ziangahtile champion dingih zum bikmi nan si’ tiin ka simthei hai.

“Ziangruangah Euro 2020 cup champion dingin England ka zum zet ti asile,tu ihsin an remtha aw tuk zo ih tleirawl player an nei tha tuk lawlaw.2020 ih an champion lo pang a si khalle kum 10 hnu ahcun Euro cup ih an champion rori ka zum a si,” a ti.

Euro cup hi kum 4 dan veikhat ih tuahmi Europe ram Bawhlung sit zuamawknak a si ih 2016 kum ah Inntek France neh in Portugal an rak champion.