EIRUKNAK LE AMERICAN THAWNGINN

0
144

American ram New York khawpi ih Thawnginn thupi tak pahnih ah rit theinak le Nam pawl a thupte ih an thunlut theu cu theihsuak a si.Thawnginn kiltu vek ih fawm hruhtu micektu pakhat cun Manhoton Brooklin thawnginn pawl ah rit theinak le Nam an thunlut a si tiah February ni 8 ah a phuangsuak.Hi Hnatuantu pawl ih eithupnak hmuhsuah mi cu Khawpi zingzoitu DOI ih than mi a si.

Hini rori ah Mahaton thawnginn ih thawngtla mi 5 le thawngtla kiltu mi 2 cu thubuai tuahsak cih an si.Tukhal rit theinak le thil dang kham mitete a thupte ih thunluhnak cu natnak hrik vekin a umlai thotho ti a si.A hleice in hminsia zet mi Reuka tikulh thawnginn tla cu an turu lawlaw ti a si.

Sidan thupaw ih cektu pawl cun hriamnam le Rit theinak pawl cu 2014 lai ah a thupte in kenlut an rak tum mi cu an hlawhtling ti a si.Thawngtla kiltu DOC pawl ih humhimnak check Gate cu a siatzia kum 3 hnuah phorhsuak ngah a si.Tukhal ah buainak tete cu a umlai thotho tiah Commissioner McPeter cun a sim.