De Gea Aiawh Ding Hrang Mi 2




Man United ih hnget thei hrih lo ,kawlkil De Gea hrang ruangah Man United hruaitu pawl an thinnuam taktak thei lo ih De Gea aiawhtu ding hrang melhthup ringring mi kawlkil pahnih an nei.

De Gea hi 2019 ,June ni 30 tiang daih vial Man United ih contract nei thlang a si ih contract thar thuhla ah Man Unted thawn an rem aw thei hrih lo.Kum khat dang contract hrang remawknak an nei ti a sinan,remnak felfai taktak an tuah thei hrih lo cu a si.

De Gea cun contract thar ah zarh khat hrang £350,000 hlawh a beisei ih Man United in thu an suah thei hrih lo thung.Cutilai in PSG an ra lang ve ih De Gea duhzat hlawh pek an ngam thu an au suahpi ve.

Hivek a si ruangah De Gea ih dinhmun a fel lo zetih suak thei ringring dinhmun vek ah a um.Curuangah Man United cun De Gea a suah thutthi pangah tiin an duhmi kawlkil pahnih an zohthup cia.

De Gea aiawhtu ding hrang Man United ih zohthup ringring mi cu kawlkil pahnih cu Atletico Madrid kawlkil Oblak le Everton Kawlkil Pickford an si.

Oblak lei suak dingin £85m a tul ih an lei ngam asile Bawhlung leitlun ih kawlkil mankhungbik a si ding.Oblak hi suahtheinak man £85m neitu a si ih a lei ngamtu an um asile lei theih ringring a si.

Pickford hi Everton kawlkil duhlai a si ih £60m an ngen ve.Pickford in suahtheinak man a nei lo ih cu ai khung khal a si thei lai a si.