CONGOR NEH LO RUL SIANGPAHRANG

0
184

Tur nei ramsa hmuahhmuah lakah Congor hi tur cakbik pawl ah a tel hrimhrim mi a si.Congor cuk tongtu tampi an kut le ke tiang tansak an si.Tutiangah Congor tur kham theinak ngaingai si a um hrih lo ti si.Hi tluk ih tihnung tur neitu Congor cu zianghman siar lo ih lehpi men theitu pakhat a um.A hmin cu Elies Lentorio timi Philipines pa a si.Tucu Philipine ram ah Congor Siangpahrang ti rori in an kawh mi a si.Ziangah hitin Congor a ngam ticu mipi ih kan theih duhtuk mi a si ko ding.

Nikhat cu zung feh dingin Elies Lentorio cun a Bike nun a tumlai ah a Bike a nung thei loih tuah dingin a timlam rero.A Bike Toolbox a von ong cu congor pakhat rinlopi in a ra suak ih a cuk.Cutin a kut cu Congor cun a cuk ngah.Elies thinheng tuk cun Congor cu a Lu in a kaih ih a Lu a keubul ih a thisen tiang a volh lawlaw.

Cutin inn sungah a lut ih daiten a itthat laiah rinlopin a khua a sik.Cutin a hmur pawl a dup ciamco ih a kut khal meikang puar bangin a puar ciamco.A innsang pawl cu an thlaphang in Elies cu Sizung ah an ret.Sizung an thlen in Sibawi cun an cek ciamco ih natnak zianghman an hmu loih a lung khal a that thu an sim.A thaisun ah Sizung cun an suahter.

Cuihnu ihsin Elies cu ziangvek rul ih a cuk khalle zianghman na le poi a um nawn lo ti si.Tuah cun Rul siangpahrang tiah an ko ih inn tin in Rul an inn ih a um ah sawm in an kaiter theu.Tuah cun Rul ruangah sumpai tampi nei in milian pakhat ah a cang zo.
Source : LY Healthcare