Come Back Ropi Thawn FA Cup Semi Final Ah Man City




FA cup quarter final ah Man City cu Swansea do dingin khualkhua ah an feh ih goal 2 an suah hmaisa hnu ah goal 3 an thunthei sal ih 2-3 thawn khualkhua ah nehnak an co.

Man City XI (4-3-3 ) : Ederson ,Delph,Laporte ,Otamendi ,Walker ,D.Silva ,Gumdogan ,B.Silva ,Sane,Jesus ,Mahrez.Thelhbawh :Sterling,Zinchenko ,Aguero ,Muric ,Danilo,Foden.

FT: Swansea 2-3 Man City
Grimes 20′, B.Silva 69′
Celina 29′ Nodfeldt 78′ (own) ,Aguero 88′,

Puai an thok ih City in nasa zetin an nawr hngal.Inntek an cang thei hrih lo ih City hrang Mahrez le B.Silva in remcang thazet an nei nan sit goal thei loin an hlah.Minute 19nak a thlen cun Swansea in an nawr thutthi ve ih Roberts cun penalty kulhsung ah bawhlung a luhpi ,City dungkham Delph in a dunglam ihsin a titlu cu Swansea in penalty an ngah ih minute 20nak ah Grimes in a sit goal.Goal an suah veten City in sit goal ve tum in an nawr ciamco hngal nan,goal thun thei loin an um ih minute 29nak ah goal dang an suah bet.Swansea in an nawr thutthi cu Dyer ih bawhlung pekmi thawn Celina in veikhat ah a rak sit goal.Nasa zetin City an tang ciamco lala nan,goal dang lut loin colh an hmang.

Caan hrek neta sawn an thok ih Inntek Swansea sawn tihnung um sawn in city an tang thei lo lawk.Cutikah City Coach Pep cun Delph aiah Zinchenko,Mahrez aiah Aguero,Sane aiah Sterling tiin minung a thleng. Cutin,City in bawhlung cotam sawn in an nawr ih minute 69nak ah Aguero bawhlung saihmi cu B.Silva in kawi ngualngo in City hrang a rak sit goal.City an phur sinsin, Sterling in remcang thazet a hlah hgal hnu ah remcang dang neisal in penalty kulhsung ah Swansea dungkham in a titlu ih City in penalty an ngah ve.Aguero in penalty a sit ih khawlban a ngah hnu ah Swansea kawlkil in an lamah a kham goal.City an phur deuhdeuh ih bawhlung cotam sawn in an nawr pheh rero.Minute 88nak ah B.Silva ih bawhlung tuahmi thawn Aguero in City hrang a rak sawh goal ih 2-3 thawn caan a cem.

Hitin City cu FA cup semi final an lut fel ih Semi final ah Crystal Palace nehtu Watford an do ding a si.