CHINRAM AH BANGALI 4 KAI

0
133

Chin National Front(CNF) hmunpi Victrorius kiangte ah February ni 6 ni ah India ram Mizoram ihsin luttu suakthuan Bangali mi pali cu kaih an si thu theih a si.Kum 14 ihsin kum 18 krlak Bangali mipa 2 le nunau 2 cu Chinram le Mizoram ramri Tio tiva ah CNA ralkap pawl cun an kaihngah mi si in February ni 13 ah Thantlang khua ih Police pawl hnenah an apzo thu CNF General Secretary 3 Pu Htet Ni cun a sim.

Hi mi 4 cu Bangladesh ram ihsin India Mizoram ah lut in Chin ramkulh ihsin Yangon,Thailand-Malaysia lam ih feh tumtu an si thu an phuang aw.A liamcia January ni 31 khal ah Mizoram lam ihsin luttu Bangali mi 4 cu Tedim ram Mualbem khua kiangah Police pawl in an kai ih tuah an thuhla rel rero lai a si tiah theih a si.
THL