CHINA RAM VAIZINPI HNUAILAM AH TLA

0
91

China ram thlanglam ih a thupi zet mi Highway pakhat cu rinlopi in lamzin cu hnuailam ah a tla ih mi 8 thi in mi 3 an hloh thu February ni 8 ah theih a si.Himi hi leihnuai tlangleng zin ih Buta pakhat an saknak ah tidai an zunter ih cuti lamzinpi tiang a tlakphahnak a si tiah tuanvo neitu pawl cun an sim.

Rinlopi a suak mi tidai ruangah leihnuai hnatuannak khal a pit theh ih khatlam khatlam mawtaw pali fehnak lamzin pi cu zuk ih kan hmuh vekin hnuailam ih a tlaknak a si.Hi thil cang mi hi Kentung Ramkulh ih fujiang khawpi ah February ni 7 zanlam ih cang mi a si.Leihnuai ih hnatuantu mi 9 cu runsuak an si.Tukhal ah runsuahnak hnatuan cu tuan rero lai a si tiah thu neitu lam cun an sim.

Tui a thitu an zate hin hnatuantu an si theh maw ticu fiangte theih a si hrih lo.Tui lamzin tlaknak hmun hi Volleyball lehnak pahnih tluk kau ih ruah a si ih a tlaknak thuklam cu pi 20 hnakih puan lo a si tiah China Cozah thuthang China Daily cun an tarlang.