CHIN NU HRANGAH CHINA A HIM LO

0
1045

China mipa thawn duh lo cing in neihawkter ih fa hrinsak dingih zuar mi kawlram nunau hi mi 7500 lenglo an umzo thu Thailand ram ih John Hocking Blonebert tlawng ih harhdamnak lam le Kachin Nubu Pawlkom pawl cun December ni 7 niah mipi theihternak an nei.Hi nunau an zuar mi lakah Shan fala le Kachin fala cu a tambik an siih kum 14 mi khal an tel thu China ramri ih um nunau pawl bawmtu Kachin Nu pawlkom cun an tarlang.

Nunau hrekkhat tla cu China mipa hrang fa an hrinsak hnuah taksa zuarnak ah zuarsin vivo an si tiah Kachin Nubu pawlkom cun an tarlang.China milian pawl cun Kawlram nunau cu an fa hrinsak dingah an taksa le an hmel thatdan ih zirin mi pakhat ah US$ 1000 in 15,000 tiang in an lei ti a si.Kawlram himlonak le hnatuan ding umlonak cun mino tampi cu China ram ih hnatuan hawl dingin a dawisuak ih tuvek dinhmun thlenphah khal an tamphah rori a si.

Tuhlan ahcun a zuar rori in fala te pawl hi zuar an rak si.Hmanseh tuah cun nupi ding rori in China mipa pawl in nunphung dan vek in an tuah hnuah kum khat kum 2 an umpi hnuah taksa zuarnak ah an zuarsal theu tiah Moon Nely cun a sim.Kachin Nubu Paqwlkom pawl cun hivek ih an zuar mi tlansuak thei hi kum khat ah a malbik mi 100 hrawng an um ringring tiah an tarlang.

Thailand ih John Hocking tlawng ih Kachin Nubu Pawlkom cun hivek ih an rak zuar mi Nunau tlansuak thei mi 400 cu ton suhnak an neih hnuah tuvek ih thusuah an tuah mi a si.A fiang verver mi cu China pawl in Kawlram mi hi tarkun tiang nupi ih thit ding zohman an duh lo timi a si.An fa hrinsak le sex ih an duhvek tuahsak ding lawngah mi an duh ih fa neih hnu cun zuar tengteng ding ah an thinlung ah an retbet a si.Ralring cio uhsi.