Chelsea In Brighton Sop In Top 6 Ah Man United An Kuat




Premier league round 32nak hrang Chelsea cun Brighton an rak mikhual ih 3-0 thawn an rak sop.Chelsea hrang Giroud ,Cheek le Hazard pawl in goal 1 ciar an thun.

Chelsea XI (4-3-3 ) Kepa ,Cesar, Christensen ,Luiz ,Emerson ,Kante,Jorginho ,Cheek ,Odoi ,Giroud, Hazard.Thelhbawh : Kovacic, Willian ,Rudiger ,Barkley,Higuain.

Inntek in mikhual an ngam zet nan,Giround ,Odoi le Hazard pawl in remcang an neihmi an hmang tangkai thei lo ih goal thun lohli thei loin an um.Minute 38nak ah vorhlam sir ih lek Odoi in Brighton khawl hmai ah tha zetin Bawhlung a tuah ih Giroud in Chelsea hrang a rak sit goal.Mikhual khal in an nawr phahphah nan,goal dang lut bet hrih loin colh an hmang hrih.

Caan hrek neta sawn an thok ih mikhual in tha zetin Chelsea an lehpi thei ve tikah goal a lut lohli thei lo.Minute 60nak ah Cheek ih Bawhlung pekmi cu Hazard in a tlanpi ih Brighton dungkham a bum fel hnu ah Chelsea hrang a sit goal ve.Chelsea in an nawr peh ih minute 63nak ah Cheek in penalty kulhleng ihsin chelsea hrang goal ropi a thun.Chelsea hrang Hazard le Cheek in remcang tha an neihmi pawl an hlah hnu ah mikhual team in nasa zetin an nawr ve.Asinan goal dang a lut nawn lo ih 3-0 thawn Chelsea in nehnak an co.

Hitin Chelsea cu puai 32 lek zomi premier league ah hmat 63 thawn table 5nak an si ih Man United cu puai 32 ah hmat 61 thawn table 6nak an si.

Tottenham khal in 2-0 thawn mikhual Crystal Palace an neh ve ih premier league ah hmat 64 thawn table 3nak an si.Arsenal khal puai 31 ah hmat 63 thawn able 4nak ah a um ve a si.