Chelsea Dungthlun In Man City Thuhla A Fel Thlang Ding – FIFA




FIFA cun thla reizet Man City an zingzawi rero hnu ah an thuhla an rel fel thlang ding thu an phuang. Man City hi kum kim lo player lei thu ah FIFA in a ringhlel ih thla tamzet a zingzawi rero zo.

Kum kim lo player lei thu ah FIFA cun Chelsea a rak hrem zo ih transfer caan tum 2 rori sung player an lei thei lo ding.FIFA cun player lei thei lo dingih Chelsea a hrem hnu ah sumpai £391,260 khal daan thlun lo man hrang a rak cawh. Chelsea cun FIFA hremnak cu zohfel saksal dingin zangfah an dil rero nan,hrial sak an si ih hremnak bangin transfer caan vei 2 rori ah player an lei thei lo ding.

Tuah Man City thubuai khal rel fel a si thlangih hrem zumzet an si ve. FIFA palai cun ,”Caan reipi sung City kan rak zingzawi rero zo ih tui hnu reilo ah thu felfai kan phuang thlang ding.Man City thubuai hi kan hrem zomi Chelsea thubuai thawn a bang aw zet ih tui hnu kar hnih khat hnu ahcun thu felfai kan phuan thei zum a si,” a ti.

Tuah Man City cun season thar hrang dungkham ,laitlan le hmaitlan pawl lei an tum ih hrem an si cun an lei thei lo ding.City lei tum mipawl cu kehlam dungkham hrang Leicester dungkham Ben Chilwell a si ih hmaitlan hrang Frankfurt hmaitlan Jovic le Fernandinho aiawhtu ding laitlan hrang Lyon laitlan Ndombele pawl an si.