Champions League Quarter Final Hrang Ziang Team Khal Kan Tih Lo – Fred




Man United laitlan lek tha thar zet Fred cun Champions league quarter final hrang ziang team khal an tih lo thu a rel ih ziang team khal tong sehla champion dingin ka zuam ding a ti.

Fred hi Solskjser ih duh zetmi a si lo nan,dam lo tamzet an neih ruangah PSG thawn an puai hrang a lek ter ih a lek thazet.Cutin,premier league ih Arsenal thawn an puai khalah lehnak hmun co vivo in a ke a dik zet thlang.

Fred cun,”Champions league quarter final hrang ziang team kan do duh tiin a hril theih lo ih tihmi khal kan nei lo.Team zaten a tha lawnglawng an si thlang ih do harsa ding hlir an si.Ziang team khal tong sehla quarter final ahcun puai a harsa zet theh ding.Asinan, ziang team hrang khalah nasa zetin timtuahnak kan nei cia ih thazet thawn lek kan tum ding.Nehnak kan ngah theinak dingah kan tha neih hmuah kan suah dingih Champions league laksawng cawi kan duh a si,” a ti.