Champions League Thuanthu Ih Sit Goal Tam Top 10 ( Lek Zat ,Lek Kum Thawn )




Champions league timi hi European cup tiin 1955 kum ah an rak din.European champion clubs cup tikhal in hmin an rak phuah lawk ih 1992 kum ah Champions league tiin an thleng.Tuisun nitiang champions league ti lanta a si.Champions league thuanthu ih sit goal tam top 10 pawl cu a hnuailam ah tarlang a si ih an lek kum le puaizat pawl khal tarlang cih theh a si.

1.C.Ronaldo 125
Juventus hmaitlan C.Ronaldo hi Champions league thuanthu ih sit goal tambik hminsin neitu a si ih puai 161 ah goal 125 a thun thei.2003 kum ihsin a rak lek thok ih tuisun nitiang Man United ,Real Madrid le Juventus pawl hrangah a lek.

2.Leo Messi 108
Pahnihnak ah Barcelona captain Leo Messi a um ih Champions league ah puai 132 lek in goal 108 a thun thei.2005 ihsin Champions league a lek thok ih tuisun nitiang Barcelona hrang lawng a lek lai.

3.Raul 71
Real Madrid captain hlun Raul in Champions league ah goal 71 a nei ve ih puai 142 a lek.1995 kum ihsin Champions league a lek thok ih 2011 kum tiang a lek.

4.Benzema 60
Real Madrid hmaitlan Benzema in champions league ah goal 60 a nei ve zo ih puai 112 a lek.2006 kum ihsin Champions league a lek thok ih tuisun nitiang Real Madrid le Lyon hrang a lek.

5.Van Nistelrooy 56
Man United hmaitlan hlun Van Nistelrooy in Champions league ah goal 56 a nei ve ih puai 73 a lek.1998 kum ihsin 2009 kum tiang a lek ih PSV,Man United le Real Madrid pawl hrangah a lek.

6.Lewandowski 53
Bayern Munich hmaitlan Lewandowski in Champions league ah goal 53 a nei ve zo ih puai 80 a lek.2011 kum ihsin a lek thok ih tuisun nitiang Dortmund le Bayern Munich hrang a lek.

7.Henry 53
Monaco ,Barcelona le Arsenal hmaitlan hlun Henry in Champions league ah goal 53 a nei ve ih puai 80 a lek.1997 kum ihsin a lek thok ih 2012 kum tiang a lek.

8.Di Stefani 49
Real Madrid hmaitlan hlun Stefani in Champions league ah goal 49 a nei ve ih puai 58 a lek.1955 kum ihsin a lek ih 1964 kum tiang.

9.Chevchenko 48
AC milan le Chelsea hmaitlan hlun Shevchenko in Champons league ah goal 48 a nei ve zo ih puai 100 a lek.1994 kum ihsin a lek ih 2012 kum tiang.

10.Zlatan Ibrahimovic 48
Ajax,Juventus ,Inter Milan ,Barcelona ,AC Milan ,PSG le Man United hmaitlan hlun Zlatan in Champions league ah goal 48 a nei ve zo ih puai 120 a lek.2001 kum ihsin a lek thok ih 2017 kum tiang a lek.