Celta Vigo Dotu Ding Zidane Ih Real Madrid Hmin Cazin




Real Madrid's new coach Zinedine Zidane (R) talks with Karim Benzema (2nd R) as they attend a training session in Valdebebas, outside Madrid, Spain, January 5, 2016. REUTERS/ Juan Medina TPX IMAGES OF THE DAY

Real Madrid coach thar Zidane cun Real Madrid coach a sisal hnu ih a puai hmaisabiknak si dingin ,tuizan March 16,myanmar 9:45m ah laliga round 28nak hrang Celta vigo a rak mikhual dingih Real Madrid hrang lektu ding minung a hril fel zo.

Zidane cun ,tuizan an puai hrang Navas ,Courtois , Lucci , Ramos ,Marcelo ,Varane ,Nancho ,Odriozola,Reguilon ,Kroos ,Modric ,Valverde ,Asensio ,Brahim Diaz ,Isco ,Ceballos ,Mariano ,Benzema le Bale pawl a hruai.

Himi lakah Isco cu lungawi hleice bik dingin a langih a dam that zet lai khalah Coach Solari cun hmin cazin ah a rak telh dah lo.Vnicius ,Carvajal ,Lucas le Llorente pawl cu damlonak ruangah hril an si lo ih laitlan Casemiro cu red card ruangah hrem a si.Dungkham Vallejo hrang hmun a um lo ih B team lamah a rak tlangleng hrih ding.

Zidane cun tuizan an puai hrang minung 19 a hril fel zo nan,lut hngaltu ding minung 11 pawl cu phuannak a nei hrih lo.Marcelo le Reguilon ah zo a lut hmiasa ding timi cu mipi hmuh cak bikmi a si ih Isco le Bale hrang lehnak hmun a um pei maw timi khal in mipi thinlung a luahzet.

Tui dinhmun puai 27 lek zo mi laliga ah Barcelona in hmat 63 thawn hmai an hruai ih pahnihnak ah Atletico Madrid um in hmat 56 an nei ve.Real Madrid cu hmat 51 thawn table 3nak an si.