CANCER SI LAK IN ZEM

0
127

Thailand ram laifang Parajin Puri District Banticha peng ah Hmawsai tiah an kawh mi thai sithiam pakhat cun cancer damnak si cu a lakih a pek ruangah nitin a hnenah mipi thawngtel in cancer si la dingin an ra ti a si.Hivek ih ra tuamhlawm awtu lakah Thai mi lawng si loin China,Myanmar,Laos le Cambodia khal an tel tiah Workpoint Thai thuthang cun an tarlang.

Hi Sibawi Sai an timi Nai Chai Sai cu Electric zung ih hnatuan zo tu si in mah tuahcop si thiamzet tin kiangkap cun an uarzet ih thlatin zarh hmaisabik ah sihlum 6 cio cu mipi hnenah a zem theu.Hi a pek mi si eitu pawl cun an thathnempi thu an simnak ihsin a hmin thang ciamco ih tuah cun thlakhat ah mi (30,000) lenglo cu si a zemsuak ti si.Hi Si a zemnak ah phungki pawl cu a hmaisa in a duhsak theu ih dam lo mah rori ra ih diltu cu duhsaknak a 2nak ah pe in cuihnu ah a si la theutu pawl duhsak an sisal ih netabik ahcun mithar pawl hnenah a pe theu ti si.

Hivek ih s a pek thuah Sibawi pakhat cun Hmaw Sai ih pek mi si cu cancer damnak si si loin taksa hrangih tuah mi tha cahnak si menmen a si tiah a sim.Sibawi pa cun hitin a sim nan amah rinsan ih zumtu pawl cun an upatnak a tlaniam cuang lo.Ngaisangtu a nei tam sinsin ih Mawtaw lamzin tiang a pih phah ti a si.Hmawsai cun tuahcop sithiam Cozah ih cohlannak cu nikum may 17 ah Register a rak tuah nan Thailand ih tuahcop sithiam pawlkom cun tlaksamnak a nei lai tiah Licence pe lo in an um ih a zoh rero lai tiah thuthang cun an tarlang.