CANCER NAT NEI HAWL IN TUAMHLAWM DING

0
136

February ni 4 Yangon khawpi ih tuah mi Leitlun Cancer Ni ah Yangon ramthen CM U Phyo Min Thein cun tui a ralai ding October thla ihsin Cancer natnak neitu cu a hawl in kan hawl pei ih kan tuamhlawm ding a si tiah mipi hnenah a sim.Hi an tumtahnak thawn pehpar aw in Hardamnak le Lehpannak Ministry le Yangon Ramthen Cozah le Leitlun Cancer pawlkom pi cun lungkim tlangnak an nei zo ih timlamnak kan tuah rero zo tiah a simbet.

“Hi Cancer natnak thuhla ah malte lo sim ka duh.2017 kum January thla ih Jeneva Meeting cun Cancer thawn pehpar aw in City Cancer Program pakhat cun Yangon khawpi in kan co ve.Khawpi le Cancer 2025 Project ihsin yangon khawpi cun hamthatnak a co ve a si.Hi kan ngah mi hamthatnak in kan mipi cu bomnak tampi pe dingin hamthatnak kan ngah a si”tiah a sim.Hi khawpi Cancer tuarnak cu Golden Rose Foundation ih rak ken mi a si tikhal a simbet fawn.

Golden Rose Foundation sungtuan Dr Moe Aung Kyaw Naing cun,”Yangon khawpi ih Cancer natnak tuartu pawl cu a cang theitawk ih tuamhlawm an si ding.Ziangvek Cancer khal tinak a si.Cun inn tin feh khal in kan hawlbet lai ding.A ra ding mi October thla ihsin kan thok ding kan tinan a hlankhan ih tuah ding mi cu tu ihsin kan thok rero zo”tiah a sim ve.Hi Project hi kumthum tuan ding a si tiah theih a si.