Camp Nou Ah Barcelona Nehdan Ding Kan Thei – Pogba




Man United laitlan Pogba cun champions league quarter final puai hmaisa sawn hrang anmai Innpi ah Barcelona an neh lo nan,khualkhua Camp Nou ah Barcelona nehdan ding an thei thu a rel.

Champions league quarter final puai hmaisa sawn hrang Man United in Barcelona an rak mikhual zo ih anmai innpi ah Barcelona ngam loin 0-1 thawn an sung telhti.Asinan,Pogba cun khualkhua ih Barcelona nehdan ding an theih thu hitin a rel.

Pogba cun,”Leitlun ih team thabik pakhat thawn kan lek ih puai thazet a si.Tha zetin kan lekpi thei ih harsatnak tamzet kan pek bangin anmah khal in nasa zetin in tibuai ve.Asinan, an sa huatnak kan thei fiang zo.Tuah puai hmaisa sawn kan lek fel zo ih puai neta sawn a umlai ruangah puai neta sawn ahcun kan theihnak zate suah in kan zuam ding.Puai neta sawn ahcun nehnak co tengteng dingin kan zuam dingih nehnak kan co theituk timi zumnak khal kan nei.

“Tui tum kan puai khalah Barcelona in remcang tha an nei tam lo ih De Gea in veikhat hrawng vial tha zetih khammi a nei.Cumi hnu ah tih an nung thei nawn lo ih remcang tha tuah aw thei loin an um.

“Barcelona ih thatzia kan theifiang zetih leitlun huap club thazet pakhat an si.Asinan, ziang team khal in tlaksamnak zawnte an nei cio bangin Barcelona khal in tlaksamnak zawnte an nei ve.Neta sawn kan puai ahcun kan theihfiang zetmi Barceona tlaksamnak zawnte rori cu kan bat ding a si,” a ti.

Barcleona le Man United cu Champions league quarter final puai neta sawn hrang April 17 ah an do aw sal ding a si.