C.Ronaldo & Messi Thu Ih Beidong Duh Lo David Beckham




Inter Miami club neitu David Beckham cun C.Ronaldo le Messi lei a tum tiin kan rak thlah rero zo ih mi tampi cun an zum lo zet.Asinan,tuah Beckham cun C.Ronaldo le Messi cu lei a tum taktak cu a rel ih an thuhla ah a beidong tum men lo.

Beckham cun C.Ronaldo le Messi cu tu rori ah lei hngal a tum lo ih kum 35 an lan hnu lole an cuai deuh hnu lawngah lei a tum sawn.Ziangahtile kum 35 an lan cun an lehnak club ihsin a lei suah thei a zum ih tu rori ahcun an lehnak club in an zuar siang lamlam lo ding a ti.

“Minung zokhal in duhmi hmin cazin kan nei ih keikhal in C.Ronaldo le Messi cu ka duhmi hmin cazin ah ka ret ve.Asinan,tuhrih ahcun ka lei thei hmel lo zetih an cuai ding hmang ti lai ah an club hrang an lek tha tuk lai veve.Mi tampi cun an san a cem mai ko ding tiin an ruat theu nan,tutiang an cuai thei hrih lo cu a si.

“Dinhmun sangzet khalah an lek tha thei ringring lai ih olsamten an club an suahsan lo ding ti cu a fiang lawlaw.Asinan,kan thlir dingih bawhlung ahun ka zum lo deuhmi khal a thleng theu a si,” a ti.