C.Ronaldo Um Lo Cu Real Madrid In An Tuar Siko – Barca Dungkham Semedo




Barcelona dungkham Semedo cun C.Ronaldo um nawn lonak Real Madrid cu C.Ronaldo umlai sehla do an harsa sawn ding tiin a rel ih C.Ronaldo um lo cu Real Madrid in an tuar rori a ti.

Semedo hi Benfica ihsin Barcelona pantu a si ih Barcelona cun Alves aiawhtu dingah an rak lei.Barcelona hrang lehnak hmun a co ringring lo nan, Roberto thawn lehnak hmun an thleithlak aw ringring.Barcelona ih lehnak hmun a co hngal lo ruangah Portugal Coach Santos cun 2018 World cup khalah a rak hruai tel lo.Asinan,tui thla sungih Portugal puai hrang ahcun a hrilsal zo.

Semedo cun ,”Tu cun Real Madrid in C.Ronaldo um lo an thei fiang rori zo in ka thei.C.Ronaldo in Real Madrid a suahsan cu kan hrang a pawituk tinak cu a si cuang lo nan,anih thawn cun Real Madrid hi do an harsa sawn rori ih league zuamawknak khal a sosang sawn.C.Ronaldo vek player cu duat le ngaihsak thiam a tul a si,” a ti.

Real Madrid in C.Ronaldo an zuar ih an tuarzet bangin Barcelona in Messi zuar bangta sehla nan lek se ciamco pei maw ti ih an thusuhnak cu hitin a sawn.

“Kannih cu Messi tel lo khal in kan lek that thotho ka zum.Asinan Messi umlai vek rori cun ziangtin kan lek tha thei ding ,” a ti.

Barcelona cun Laliga round 28nak hrang khualkhua ah Real Betis an do dingih zarhpi zan Myanmar 2:15 am caan ah a si.