C.Ronaldo Thawn An Biakawknak Thuthup Pholangtu Evra




Man United le Juventus dungkham hlun Evra cun Champions league sungsuak puai neta sawn hlanih C.Ronaldo thawn an biakawknak cu mipi hmuh theih in a pholang.

Champions league sungsuak puai hmaisa sawn ah Atletico Madrid in 2-0 thawn Juvenus an neh ih dinhmun thazet ih an um hnu ah puai neta cu Juventus innpi lek ding an si.An lek hlanah Juventus mipi an thinphan zet bangin Evra khal a thin a rak phangzet ih C.Ronaldo hnenah hitin ca kuat.

“Unaupa ,Champions league sungsuak puai neta sawn hrang nangmah lawng ka lo zoh ih ka lo ringhlel dah lo lawlaw.Nangmah lole Juventus nan sun tinten mi tamzet ih nautat ringringmi ka si,”a ti.

Cutikah C.Ronaldo in ,”Unaupa ,Ka theituk ko , kan pahtlang rori ding.Kan innpi ah Atletico Madrid kan rak sopsiat ding a si,” a ti.

Cutin nuam zetin an be aw peh ih puai taktak a thleng cu C.Ronaldo hat trick thawn Juventus in Atleitico Madrid an dawisuak ngaingai a si.