C.Ronaldo Tel Loin Real Madrid An Hlawhtling Tuk Lo Ding – Agent Mendes




Real Madrid in C.Ronaldo an zuar dan ah a palai Mendes a lungawi thei ve lo ih C.Ronaldo tel loin Real Madrid an hlawhtling tuk lo ding tiin a rel.

Mendez hi C.Ronaldo ih palai a si bangin ziangkim ah C.Ronaldo thuhla buaipitu pakhat a si.Ahleice in club thawn thurel ding an neih tivek ah C.Roanldo a buai ciamco a tul lo ih Mendes in ziangkim a rak relsak theu.

Mendes cun,”C.Ronaldo hi bawhlung thuanthu ih player thabik a si tlunah bawhlung leitlun uktu a si.Minung men siloin Alien vek rori a si ih a thiamnak a turu tuk.England ah thilmak a rak tuah zo ih Real Madrid thuanthu khalah player thabik a si.Curuangah ka lo sim ding ,C.Ronaldo tel loin Real Madrid an hlawhtling tuk nawn lo ding.

“Real Madrid in champions league vei 4 a cawi tum khalah C.Ronaldo a thupi zetih kum 5 sungah champions league laksawng pi vei 4 a cawipi thei.Tuahcun C.Ronaldo in Juventus hrang thuanthu thar a ngan thlang ding a si,” a ti.

C.Ronaldo hi Juventus thawn Super Coppa a cawi zo ih Serie A ah champion dingin a dinhmun a thazet.Culawng siloin Champions league khalah quarter final an lut zo ih champion an tumzet a si.