C.Ronaldo Ruangah Juventus Coach Allegri A Thinhar




Juventus coach Allegri cu an hmaitlan C.Ronaldo ruangah thinhar in a um ih a aiah zo a hmang ding timi khal a ruat thup phah rero thlang. Ziangahtile dam lo C.Ronaldo cu AJax thawn Champions league quarter final ih an puai hmaisa hrang a tel rori ding ti ih reltheih a si hrih lo.

Hih thu ah Juventus coach Allegri cun ,”C.Ronaldo hi dam lohli dingin a zuam rero ih Ajax thawn champions league quarter final ih kan puai hmaisa ah sor thei hngal ka beisei zet.Asinan,thudik ka lo sim ding,Ajax thawn Champions league quarter final ih kan puai hmaisa hrang C.Ronadlo sor hngal ding cu thil harsa zet a si ding.

“Tuini tiang ahcun a dam cak zetih damtha fel dingin ni 9 caan a nei lai.Tha zetin ka tuamhlawm dingih a damfel lohli theinak dingah tan kan la ding.

“Costa a dam cak zet zo ih Ajax thawn Champions league quarter final ih puai hmaisa hrang kan do awk caan ah a tel thei ding.Cutilai in Khedira khal a dam cak zet zo ih AC Milan thawn kan puai ah a lek thei thlang ding.Dybala hi a liang a naa ve ih Serie A puai khat hrawng cu a awl hrih ding.Asinan,Ajax kan do caan ahcun a tel thei thlang ding a si,” a ti.

Juventus cun April ni 3 ah Serie A puai hrang Caliari an do dingih April ni 6,zarhte zan khalah Serie A puai hrang AC Milan thawn an do aw ding.Cutheh in April ni 11 ah Champions league quarter final puai hmaisa sawn hrang Ajax thawn an do aw ding a si.