C.Ronaldo Ka Rak Ringhlel Lawk -Douglas Costa




Juventus hmaitlan Douglas Costa cun C.Ronaldo a ringhlel lawk thu a relsuak ih Juventus ih a lek that thei a rak zum lo.

Kum 34 mi C.Ronaldo hi Real Madrid suahsan ih Juventus pantu a si ih aman ah Juventus in €100m an cem.Mi tampi cun a kum a tam zo thawn Italy ih a lek that thei an zum lo.Asinan, tuhrih ahcun Juventus hrang a lek thazet ih tui season khalah Juventus hrang sit goal tambiktu a si.

Douglas Costa cun,”Kan hnenih C.Ronaldo a rak thlen pek ah Leitlun ih player thabik cu ka hnenah a rak lut sikhaw,player thabik teh a si ngai pei maw aw tiin ka rak ruat thup.Asinan,C.Ronaldo a ra thlen veten club cu tampi a thangso ciamco hngal ih C.Ronaldo ruangah a si timi cu a fiang zet.

“Zarh tinten Juventus hrang a sit goal ringring ih Juventus ah mipi tamzet a rak hruailut.Amah thawn kan hlawhtlin thei ka beisei zetih thuanthu thar ngan vivo khal kan tum.

“Beidong dah loin a zuam ringring thei ih rualpi hrang khalah a man ringring.Na duh le zum awla ,na duh lole zum hlah.C.Ronaldo a rak thlen tikah ziangtin colhbuk ah kan um ding timi khal ka ruahmi pakhat cu a si.Colhbuk ahcun kan nuam aw zetin kan zaten duhdawt aw zetin kan um.C.Ronaldo khal colhbuk ahcun a tlangnel lohli ih kan zaten team thatnak ding hlir lawng kan ruat.

“C.Ronaldo hi mi nunnem zet a si ih a teima tuk lawlaw.Nehnak co duh ringringtu a si bangin a thinlung put pacang tuk cu a rualpi pawl khal thazang nasa zet kan ngah phah a si,” a ti.

Costa hi Bayern munich ihsin Juventus pantu a si ih player thazet le bawhlung nehsawh zet a sinan, tui season cu thinglung le lenglam buainak a neih tlunah dam lo in a buai ringring a si.