C.Ronaldo In Goal A Thunsal Ding – Van Basten




Ajax le AC Milan hmaitlan hlun Van Basten cun champions league quarter final puai neta sawn hrang Juventus le Ajax puai ah C.Ronaldo in goal a thunsal dingih 2-1 in Inntek Juventus an cak ding tiin a rel.

Ajax le Juventus puai hmaisa sawn ah C.Ronaldo in Juventus hrang goal 1 a rak thun zo ih 1-1 in an rak duhtawk aw.

Van Bosten hi Ajax le AC Milan hrang ropi zetih rak lek zotu a si ih Ballon d’OR laksawng khal vei 3 rori rak ngah thei vetu a si.European Bawhlung sit thiambik sinak khal vei 3 a rak ngah zo ih Serie A sit goal tambik laksawng khal vei 3 a rak ngah zo.Bulpak laksawng tampi a rak ngah ih Champions league le Euro Cup khal a rak cawi.

Van Basten cun ,”Tuizan ih Juventus le Ajax puai ah 2-1 thawn Juventus in nehnak an co dingih C.Ronaldo khal in goal a thunsal ding.Ajax hi team thazet an si ih an lehdan ka uar ngaingai.Bawhlung an co caan ah zoh an nuam theizet nan,khawl kilhim an thiam lo cu an buainak pakhat a si.

“Serie A thuhla cu rel ciamco ding a um lemlo,hmaihruaitu Juventus in table 2nak ih um Napoli an thlau tuk ih zianghman buainak um lo le hahdam zetin an champion men ding a si,” a ti.