C.Ronaldo Hrang Naute Dang ?




Juventus hmaitlan C.Ronaldo hi nupi nei fel hrih lo a sinan,fate 4 nei zotu a si ih fate dang a neihsal ding thu Marca cun a tarlang.

C.Ronaldo in fate 4 a neihmi sung ihsin upabik Cristiano Jr hi 2009 kum ih suak a si ih tui’sun nitinag zosi a Nu timi theih a si hrih lo .2017 kum ah C.Ronaldo cun faphir Mateo Ronaldo le Eva Ronaldo a neihsal ih mipum san cop ih hrinmi an si.Zosi an Nu timi theih a si cuang lo ih C.Ronaldo khal in relfiangnak a nei lemlo.

C.Ronaldo ih fa nautabik cu Alana Martin Ronaldo a si ih tuih a kop laimi
Georgina Rodriguez thawn November 12, 2017 kum ah an rak nei.C.Ronaldo le Georgina Rodriguez hi duhdawt aw zet an sinan,tutiang an nei aw hrih lo cu a si.

zuk thaten rak zoh ve aw..

C.Ronaldo in fate dang a nei sal ding timi khal tuih a ngaihzawng Nu Georgina Rodriguez thawn a si ih nau an pai lala tiin Marca cun a tarlang. Portugal in Serbia an do tumah Georgina Rodriguez khal a ngaihzawngpa thazang pe dingin a feh ih Bualrawn sung a dinlai an zuk tikah a pum a rak tum zet zo.Nau a pai taktak maw timi cu theihfel a si lo nan,a pum langdan in nau a pai rori ko tiin AS khal in a tarlang ve a si.