C.Ronaldo Hram A Thok Ding – Juventus Coach Allegri




Juventus Coach Allegri cun Champions league quarter final hrang khualkhua ih Ajax an do caan ah C.Ronaldo hram a thok ding tiin mipi a simthei.

Allegri cun ,”Thaizing ih kan puai ah khawl kilhim tum loin hmainor ih kan lek tengteng a tul,ziangahtile goal um lo ih tlun a harzia kan theifiang tuk zo.Cuti ka titik ah tui tum ih kan puai le Atletico Mardid thawn kan puai a bang aw deuh tinak a si hrimhrim lo ih Team bang aw lo an si.

“Thil pakhat khat a cangsual pang a si lo ahcun Ajax kan do caan ah C.Ronaldo cu hramthok in a lut hgnal ding.Chiellini le Can kan hmang thei lo ding cu pawi ka tituk rori nan,midang pawl an damtha ih a tizia te um.Costa kan hmang thei ding cu ropi ka ti zetih Dybala khal tha zetin timtuahnak a nei thei zo.Chiellini aiah Rugani a lek dingih a hrang caantha zet a si.

“Thildik zet pakhat cu Atletico Madrid le Ajax hi team bang aw lo zet an si timi a si.Ajax in khawl kilhim an uar lo ih minor uar zet an si.Cuaruangah kan dungkham pawl nasa zetih an fimkhur a tul ding.Real Madrid an rak dawisuak zo ih Bayern khal tha zetin an rak do,curuangah kan fimkhur thiamzet a tul dingih ziang a thleng ding timi cu kan hmu mai ding a si.” a ti.