C.Ronaldo Free Kick Thiamnak Thawn Champions League Ah Juventus – Del Piero




Juventus captain hlun Del Piero cun tui season champions league zuamawknak ah Juventus an champion a zum thu a relih free kick sitthiam C.Ronaldo ruangah a ti.

Del Piero hi Juventus captain tuan ringring zotu a si tlunah Juventus hrang puai 705 ah goal 290 thun theitu a si ih free kick thawn goal 42 a thun thei.

Del Piero cun,”C.Ronaldo hi free kick sit thiam zet a si ih hminsin thazet khal a nei.Juvnetus le Atletico Madrid puai tumih a cangvaih dan tla cu ka lungawi lawlaw.

“Tucun Juventus mipi pawl a ti lungawi vivo a tul ih a sit goal peh rero khal ka zum.Free kick thawn khal in a sit vivo dingih thildang thawn khal in a sit goal ding.

“Champions league zuamawknak cu a sosang theituk ih fikhur thiam a tul zet.Ajax khal team tha an sizia cu Real Madrid an rak dawisuak dan in a fiang.Do harsa zet an si dingin final thlen duh cun ziang team khal neh thluh a tul siko.

“Juventus hi tui season champions league zuamawknak ah an champion ka zum zetih Ajax an ton ruangah siloin season thoktir ihsin champion zum ciami sawn an si.Player thazet C.Ronaldo thawn team an thuamtha zo ih final khal an rak lut rero zo a si,” a ti.