BOKVAK RUL PAHNIH THIHTIANG SUAL AW

0
381

Bokvak rannung lak ahcun zokhal ziangih siar ve lo veve Rulngan le Saphai cu tong aw in zohman in lamzin an kenawk duh lo veve ruangah netabik ahcun an sual aw.Pi 18 ih sau Rulngan(King Cobra) cun amah hnakih tumsawn saphai cu that rori dingin a hngawngin a keu.(Zuk ih kan hmuh vek in).

Saphai khal cun a dinhmun a that lozia cu a theifiang.A hngawng ih a keusak cun ka nungdam lo ding ti a fiangve ruangah menmen a sive lonak cu suah in amah keutu Rulngan cu a rawl ei hawlnak kuat hmang in a ngerh hnget hnuah a zipve ih Rulngan khal a cangbet thei nawn lo.Hitin lamzin kian aw loih an buainak ruangah zohman in nehnak co loin a hmun ah an pahnih in an thi.

Hi bokvak siangpahrang tiaw veve Rul pahnih thihtiang sual aw hmutu pa pakhat cun a thil hmuh mi cu danglam ti in Internet social Media hmangtu pawl in hmuve haiseh tiah a post mi a si.Rul in mi an thahdan a bang aw cio lo.Tur nei pawl cun an tur hmang in rawl an hawl nan tur neilo Saphai cun an mi ngerhnak thazang hmang in rawl an hawl.