BOKOHARAM MISUAL IN AN KAIH MI 13 THLAHSAL

0
139

Kan dung kum ih Nigeria ni suahnak saklam ihsin an kaih mi sungin mi 13 cu Islamist misual pawl cun an thlhsal tiah Nigeria Cozah cun an phuang.Hi an thlahsal mi 13 sungah Police kilnak Mawtaw an kahnak ihsin an kaih mi nunau 10 le mi an ceknak ihsin an kaih mi 3 pawl an si.Leitlun Red Cross pawl ih bomnak ruangih thlah mi an si tiah President zung cun an phuang.Bokoharam pawl ih kum 8 sung buainak tuah ruangah a malbik mi (20,000) lenglo an thizo ti si.

Leitlun red Cross(ICRC) pawl ih tuah mi thusuah ahcun ICRC cun lamtang zianghman um loih an tawlrel mi a si tiah an tarlang.February ni 10 ah Cameroon ramri ih Refugees Camp ah ICRC pawl cu thleng in tuvek ih an runsuaknak a si tiah tarlang a si.ICRC pawlcu hramrul lakah mawtaw mawngin Helicopter thawn milai hizat hi an runsuak mi a si.Bokoharam thawn an biakawknak cu tarlang a um lo.

2014 ah Bokoharam cun Chibok khawpi ih tlawnginn pakhat ta fala 200 an ruk mi luatsal thei dingin 2016 October le 2017 May thla ah ICRC cun nasaten tan an rak lazo a si.Cui 200 sung ihsin fala 100 tanglai mi runsuak dingin Nigeria president cun ralkap thazang cakter ih runsuak dingin February ni 10 ah thu a pe a si.Bokoharam cun Nigeria Cozah cu hlon in Islam ram din dingah Cozah cu an dodal rero mi a si.