BISCUIT THUHLA THEIHKAUNAK




Biscuit hi phun tampi a um ih an thawt dan khal a bangaw lo nan bangawknak pakhat an nei.Cucu a parih ong tete tuah khi a si.Ziangruangah an tuah ti na ruatve dah ngelcel maw?Hivek ongte te um lo sehla Biscuit khal a suak thei lo ding.A puar liarliar ding ih a Bawm sung khalah a tleng lo ding.

Biscuit tuahdan cu a thok lam ahcun Pizza le Bread tuahdan thawn a bangaw zik.Sangphut,tidai le colh le thil dangdang an rawikhawm hnuah nizi 16 sung uamta a tul.Cuti an uamnak ah an rawi mi thil pawl ruangah sangphut cu a puar liailiai ah cang.Cui Puar liailiai mi cu Soda,cite le siti thawn an nuai hnuah cet sungah an thun.Bread le Pizza pawl cu sang urnak sungih an thun tikah puar seh tin ongte an tuahsak lo.

Hmanseh Biscuit ahcun a puar ding a ngah lo ruangah ongte an tuahsaknak a si.Sang sungih um mi Carbon le tidai ruangah sang kan rawh tikah sang hi a puarnak a si.Biscuit an tuah tik ahcun ongte te an tuahsak ruangah a puarve thei lo.Hiti ongte te an tuahsak ruangah per tlettli te le mawi le thawtak ih a suahnak a si.