BIKE NA MAWN LE KUM 3 THAWNGTLA DING

0
144

Kawlram sungah Bike to sian lonak hmun cu a um ih cumi cu Yangon ramthen Yangon khawpi sungih khawpi 33 ah a si.Hi khawpi 33 sungih Bike totu hmuh a si ahcun kaih ih kum 3 sung thawngthlak ding a si tiah Yangon ramthen thu neitu pawl cun an phuang.Licence nei lo Bike totu cu tuhlan ahcun Bike lawng kaihsak a rak si.

Himi hi tlunlam thupek mi a si.Tuah Loud speaker thawn vengtin ah an auzo.Mawtaw PK le pengpi le Veng Lal pawl thawn cek ding a si tiah theih a si.Nikum July thlakhat lawngah Bike 580 cu kaihsak an si.Tuah cun pengpi hotu 3 ih hohanak in kaih a si dingih Licence nei le nei lo ti a um lo ding.Yangon khawpi sungih pengpi 33 sung ta poh cu kaih hluahhlo ih kum 3 thawng ih ret an si ding tiah Yangon khawpi PK hotu in a sim.

Kuak khu bangin a hlo vivo ko ding.Tuah cun Bike neitu pawl cun an Bike hi innsung ah an ret theh ding.Nehhnu ah hmansal a ngah ko ding tiah Bike neitu pakhat cun a sim.Nikum July thlakhat lawngah Yangon khawng sungah Bike Accident vei 82 a um ih mi 11 an thi ih 103 in hriamhma an ngah.Kawlram sungah kumkhat ah accident in mi 3300 an thi ih Sizung thlengtu mina ih 1/3 cu Bike accident an si tiah thuthang cun an tarlang.