Beginner Vek Rori Kan Si Ko – Mabppe




PSG hmaitlan Mbappe cun Ligue round 32nak ih Lille an neh lo hnu ah PSG lehdan cu Beginner vek rori a si thu a rel.Ligue 1 round 32nak hrang table 2nak ih um Lille in hmaihruaitu PSG an rak mikhual ih 5-1 in an rak sop neknek.Puai theh ah PSG hmaitlan Mbappe cu an lehdan ah a lungawi lo tuk ih beginner vek an si thu a auhsuahpi.

Lille le PSG puai ah PSG in nehnak co sehla Ligue 1 champion thlang ding an sinan,an duai ruangah an champion thei hrih lo ih neta puai ah nehnak an co asile champion thlang ding.

Mbappe cun ,”Goal 3,4 ,5 lai ih duai cu mawi lo tuk rori a si ih thilthleng theu men ti a theih lo.Lille hi team thazet an si ih mipi an neih that tlunah Bualrawn mawizet nei khal an si.Asinan,khavek lawmmam ih kan lek se ding cu a si hrimhrim lo, bulpak cio khal in tha zetih lek ding kan si.

“Kanmai ti dik lo a si ih kan remthat awk lohli a tul.Bawhlung timi cu Bualrawn sungih lek a si bangin tui tum cu begineer vek rori in kan lek.Nithum ni ah puai kan nei sal ih kan duai a thiang nawn lo bangin tha zeih timtuahnak kan neih a tul ding a si,” a ti.