Barcelona Neh Kan Tum – Atletico Madrid Coach Simeone




Atletico Madrid coach Simeone cun tui zarhpi zan ih an do dingmi Laliga hmaihruaitu Barcelona neh an tum thu hitin a rel.

Simeone ,”Barcelona thawn kan puai hrang beiseinak sang zetih kan nei ih nehnak co tengteng kan tum.Barcelona neh ding cu kan tummi pakhat a si.Kan hrangih thupi bik cu hruaitu le player pawl lungrual zetih kekar tlang ding hi a si.Hitawk hmun ka rak thlen ihsin kan lungrual zetih ka diriam lawlaw.Cuti,lungrualnak thawn Barcelona kan do dingih neh tengteng kan tum ding a si,” a ti.

Laliga round 31nak hrang zarhpi zing Myanmar 1:15 am ah hmaihruaitu Barcelona in table 2nak ih um Atletico Madrid an rak mikhual dingih champion cuhawknak hrang puai thupi zet a si ding.

Tui dinhmun ah Barcelona puai 30 lek zo in hmat 70 thawn table hmai an hruai ih Atletico Madrid in puai 30 lek ve zo in hmat 62 thawn Barcelona an thlun.Puai 8 lek ding a umlai ih an thlauawknak cu hmat 8 vial a si. Atletico Madrid hrang champion beisei a theih lai ih Barcelona khal thlahdah aw lo ten ke an kar vivo a tul ve a si.