Barcelona Mipi Ih Goal Mawibik Hrilmi Cu Messi In A Tawmpi Lo




Barcelona mipi pawl cun club thuanthu ih goal mawibik hrilnak an nei ih tuih an captain Leo Messi ih sit goal mi hlir cu top 3 hrang an hril.

1.Goal mawibik – Barcelona mipi pawl ih hrilmi club thuanthu ih goal mawibik cu Messi in Getafe lamih a sit goalmi a si.2007 kum ih thilthleng a si ih kum 19 mi Messi cun Bualrawn lai ihsin Bawhlung a khawr ih Getafe kawlkil tiang a bum hnu ah a sit goal.

Top 2nak ih an hrilmi khal Athetic Bilbao lamih Messi sit goal mi a si. 2015 kum Copa Del Rey zuamawknak ah Messi cun kehlam sir ihsin Athletic dungkham 4 lai a bum hnu ah a sit goal zurzo.

Top 3nak khalah Messi in Real Madrid lamih a sit goal mi hril a si.2011 kum champions league zuamawknak ah Messi cu Busquets thawn tha zetim bawlung an pe aw ih Ramos ,Marcelo le Albiol pawl a bum hnu ah a sit goal zurzo.

Himi pathum pawl cu Barcelona mipi in an club thuanthu ih goal mawibik hrang an hrilmi a si ih Messi cun a tawmpi lo zet tlunah a duh hleice mi goal 2 a hril ve.

Messi cun ,”Kei cun mipi pawl ih hrilmi cu ka tawmpi ve lo ih top 3 ih an remi Real Madrid lamih ka sit goal mi le Man United lamih ka sawh goal mi cu ka hrilsawn a si,” a ti.