Barcelona kan do ding Ti Kan Theih Veten Kan Khir Kan Laam – Smalling




Man United dungkham Smalling cun Champions league quarter final ih Barcelona an ton cu riahsiatza a si lo thu a rel ih Barcelona kan ton ruangah lungawi aipuang in kan umsawn tiin a rel.

Tui season champions league quarter final ah Man United le Barcelona an tong aw ih tipzing Myanmar 1:30 am ah do aw ding an si.

Smalling cun ,”Tui season cup zuamawknak ih kan domi pawl cu team khongzet lawnglawng an si ih Champions league le FA cup khalah team thazet kan tong hngal.Asinan,PSG thawn kan puai theh ah ka feh vivo thei timi kan theisuak ih hmailam pan in ke kan kar vivo ding.

“Gym ih kan umlai ah Champions league quarter final draw an nei ih TV thawn kan rak thlir phah.Kan phur tlang zetih kan do dingmi a rak suak tikah kan zaten lungawi hiamhiam in kan um.Kan khir kan laam ih training kan pehzawm.Cuti lungawi ih kan um khalah kan do dingmi cu ka theifiang zet a si.

“Draw neih lai ah ka dam fel ciah ih team thazet do ding ruangah ka phur lawlaw.PSG thawn puai khat ka rak lek man ih nuam ka tituk a si,” a ti.